ದಸ್ಕತ್ತು

ದಸ್ಕತ್ತು ಅಂದರೇನು?
ರುಜು ಅಥವಾ ಸೈನು.
ಇದು ನಿಘಂಟಿನ ಅರ್ಥ
ಇರಲಿ ಅದರ ಪಾಡಿಗೆ
ದಸ್ ಅಂದರೆ ಹತ್ತು
ಕತ್ತು ಅಂದರೆ ಕುತ್ತಿಗೆ
ಆದ್ದರಿಂದ ಓ ಜಾಣ
ದಸ್ಕತ್ತು ಅಂದ್ರೆ ರಾವಣ!

ಕೇಸರಿ ಬಾತ್

ರಂಗ ಸರ್ಕಾರ
ಕೇಳಲೇ ಬೇಕು
ಕಾಂಗ್ರೆಸ್ಸಿನ ಮಾತು
ಕಹಿಯಾಗಿದ್ದರೂ
ಹೇಳಲೇ ಬೇಕು
ಆಹಾ!
'ಕೇಸರಿ' ಬಾತು!

ಹೋಲಿಕೆ

ಇಡಿಗವನ
ಲಾನ್ ಟೆನ್ನಿಸ್
ಹನಿಗವನ
ಟೇಬಲ್ ಟೆನ್ನಿಸ್.

ದೌರ್ಬಲ್ಯ

ನನ್ನ ದೌರ್ಬಲ್ಯವು
ಅವೇ ಎರಡು
ಮಹಿಳೆ
ಮತ್ತು ಮದ್ಯ.
ಮಹಿಳೆ
ನನ್ನವಳೇ,
ಮದ್ಯ
ತುಂಟ ಪದ್ಯ!

ಪ್ರತಿಮೆ

ಹೆದ್ದಾರಿಯ ಗದ್ದಲ 

ಟ್ರಾಫ್ಫಿಕ್ಕಿಗೆ ಬೆದರಿ 

ನಿಂತಲ್ಲೇ ನಿಂತು 

ಕಲ್ಲಾಯಿತು 

ಚೆನ್ನಮ್ಮನ ಕುದುರಿ.

ಕಾರಣ

ಮೊದಲು
ಬೋರಾದರೂ
ಕವಿಗೋಷ್ಠಿ
ಕೊನೆಯಲ್ಲಿ ಭಾಳ
ಛಲೋ ಇತ್ರಿ
ಕೊನೆಯಲ್ಲಿ
ಓದಿದ್ದು ಯುವ
ಕವಿಯತ್ರಿ

ಉತ್ತರ

ವಿಮರ್ಶಕರು 
ದುಡುಕುತ್ತಾರೆ
ಕಾವ್ಯದಲ್ಲಿ
ಹೊಸತೇನು?
ಕವಿ ಹೇಳುತ್ತಾನೆ
ನಿರಾಶರಾಗದಿರಿ
ಏನು ಬೇಕಾದರೂ
ಹೊಸದೇನು

ಮರ

ಹೂವಿಲ್ಲದ ಮರ
ಹಣ್ಣಿಲ್ಲದ ಮರ
ಕ್ಯಾಮರ

ರಸ್ತೆಯುದ್ದಕ್ಕೂ
ಬಿದ್ದುಕೊಂಡ ಮರ
ಡಾಮರ

ಅದೃಷ್ಟದ ಮರ
ದುಡ್ಡಿನ ಮರ
ಯಾವುದು ಹೇಳ್ರಿ?
ಗೊತ್ತಾಗದಿದ್ರೆ
ನಾ ಹೇಳ್ತೀನ್ರಿ
ಲಾ-TREE!

ಬ್ಯಾಂಕಿನಲ್ಲಿ

ಕ್ಯಾಶ್ ಕೌಂಟರಿನ
ಚೆಲುವೆಯ
ಸೌಂದರ್ಯದತ್ತ
ಹರಿದು ನೋಟ,
ಗಮನಿಸಲಿಲ್ಲ
ಅವಳು ಕೊಟ್ಟ
ಹರಿದ ನೋಟ!

ವ್ಯತ್ಯಾಸ

ಸಂಪ್ರದಾಯಕ್ಕೂ
ಬಂಡಾಯಕ್ಕೂ
ವ್ಯತ್ಯಾಸ
ಇಸ್ಟೇ ಕಣಯ್ಯಾ.
ಪತಿಯೇ ದೇವರೆಂದು
ಅಜ್ಜಿ ಹೇಳಿದ್ದು
ಸಂಪ್ರದಾಯ
ದೇವರೇ ಪತಿಯೆಂದು
ಅಕ್ಕ ಹೇಳಿದ್ದು
ಬಂಡಾಯ.

ದೃಶ್ಯ

ನಾಚಿಕೆಯಿಂದ
ಮುಖ ತಿರುವಿ ನಿಂತ
ಉವತಿ
ಸೂರ್ಯಕಾಂತಿ
ಇಣುಕಿ ಬಗ್ಗಿ
ಮುಸಿ ಮುಸಿ ನಗುವ
ಉಡಾಳ
ಮುಸಿಕುನ ಜೋಳ
ಎಲ್ಲಕ್ಕಿಂತ ಎತ್ತರ
ಬಿಳಿಟೋಪಿಯ
ನಾಯಕರ ಥರ
ಹೂ ಬಿಟ್ಟ
ಕಬ್ಬಿನ ತೋಟ

ಸರಿ

ಅಂದು ಅ ಸಭೆಯಲ್ಲಿ
ಹಾಗೆ ಹೇಳಿದ್ದು ಸರಿ
ಇಂದು ಈ ಸಭೆಯಲ್ಲಿ
ಹೀಗೆ ಹೇಳಿದ್ದೂ ಸರಿ
ನಾಳೆ ಎರಡನ್ನು
ನಿರಾಕರಿಸಿದರೆ
ಅದೂ ಸರಿ
ರಾಜಕಾರಣದಲ್ಲಿ ಸುಳ್ಳು
ಕಂಪಾಲ್-ಸರಿ!

ಬೇಕು

ಮಗಳಿದ್ದಾಳೆ ಆರತಿಗೆ
ಮಗ ಇದ್ದಾನೆ ಕೀರ್ತಿಗೆ
ಇನ್ನು ನಾನೇಕೆ?
ಅಣ್ಣ ಬೇಡ ಪ್ರಿಯೆ
ನೀನೇ ಬೇಕು ಸ್ಪೂರ್ತಿಗೆ.

ಸ್ವಯಂ

ಹೆಣ್ಣು
ತನ್ನ ಗಂಡನನ್ನು
ತಾನೇ ಆರಿಸುವುದು
ಸ್ವಯಂ ವರ
ಗಂಡು ಹಾಗೆ
ಮಾಡಿದರೆ ಅದು
ಸ್ವಯಂ WORRY!

ಈ ಸಲ

ಇಂದ್ರ ಪುನಃ ಬಂದ
ಕ್ಕೊಕ್ಕೊಕ್ಕೋ ಅಂದ
ಈ ಸಲ ಜಾಣೆ ಅಹಲ್ಯ
ಮಾಡಿದಳು ಕೋಳಿ ಪಲ್ಯ!

ಅಂಜಿಕೆ

ಜಿಂಕೆ ಹೆದರುತ್ತದೆ ಹುಲಿಗೆ
ಬೆಂಕಿ ಬೆದರುತ್ತದೆ ಮಳೆಗೆ
ಪತಿ ಅಂಜುವನು
ಸತಿಯ ಮಾತಿಗೆ
ಕಿವುಡರೂ ಅಂಜುವರು
ಇಂದಿನ ಚಿತ್ರಗೀತೆಗೆ!

ಸಚಿವರ ರೀತಿ

ಹಾಕಿದ ಕೂಡಲೇ
ಕಳಚಿ ಕೆಳಗೆ
ಇಡುತ್ತಾರೆ ಮಾಲೆ
ಮನವಿ ಪತ್ರಕ್ಕೂ
ಇದೇ ಗತಿ
ಸಭೆ ಮುಗಿದ ಮೇಲೆ.

ವಿಧಾನ

ನಿಧನ ಎಸೆದರೂ
ಎಚ್ಹೆರ ತಪ್ಪಿದರೆ
ವಿಕೆಟ್ ಉರುಳಿಸುವರು
ಸ್ಪಿನ್ನರು.
ರಾಜಕೀಯದಲ್ಲೂ
ಇದೆ ವಿಧಾನ
ಅನುಸರಿಸುವವರು
ಭಿನ್ನರು!

ಪತ್ನಿಯ ಸ್ವಗತ

ಇವರಿಗೆ ನನಗಿಂತ
ಕವಿತೆಯೇ ಹಿತ.
ಮದುವೆಯಾದರೂ
ಇವರು
ಕವಿವಾಹಿತ!

ಮುನ್ನುಡಿ

ಉದಯೋನ್ಮುಖರ
ಕವನ ಸಂಗ್ರಹಕ್ಕೆ
ಹಿರಿಯರ
ಮುನ್ನುಡಿ, ಹರಕೆ.
ಯುವತಿ ಧರಿಸುವಂತೆ
ರವಿಕೆ!