ಅಭಿಪ್ರಾಯ

ಪಾನ ನಿರೋದ
ಬೇಕೇ? ಬೇಡವೆ?
ಎನ್ನುವ ಚರ್ಚಾಗೋಷ್ಠ್ತಿಯಲ್ಲಿ
ಹೇಳಿದನೊಬ್ಬ ಮುಲುದನಿಯಲ್ಲಿ
ಪಾನ
ನಿರೋದ
ಎರಡು ಇರಲಿ.

ಪ್ರಾಯ

ಹುಡುಗಿ ನೆಡೆದಾಗ
ನಡು ಆಹಾ!
ಬಳುಕುತ್ತದೆ.
ಮುದುಕಿ ನೆಡೆದರೆ
ಅಯ್ಯೊ!
ಉಳುಕುತ್ತದೆ.

ಭಾಷಣ

ಆರ೦ಭದಲ್ಲಿ
ಹೇಳುತ್ತಾರೆ
ಎರಡೇ ಎರಡು ಮಾತು
ಮುಗಿಸುವಾಗ
ಆಗುವುದೇ ಬೇರೆ
ಎರಡೊ ಕಿವಿ ತೂತು!

ವ್ಯತ್ಯಾಸ

ಕಣ್ಣಿಲ್ಲ, ಕಾಲಿಲ್ಲ
ಎ೦ದು ಸತ್ಯ ಹೇಳಿ
ಬೇಡುವುದು
ಭಿಕ್ಷಾಟನೆ
ಸಾವಿರ ಸುಳ್ಳು ಹೇಳಿ
ಮತ ಯಾಚಿಸುವುದು
ಚುನಾವಣೆ

ಸಲಹೆ

ಸ೦ಸಾರವೆ೦ಬ
ಪರೀಕ್ಶೆಯಲ್ಲಿ
ಪಾಸಾಗಬೇಕಾ?
ಚೆನ್ನಗಿ ಓದಿ
ಅರ್ಥಮಾಡಿಕೊಳ್ಳಿ
ಮಡದಿ ಎ೦ಬ
ದಪ್ಪ ಪುಸ್ತಕ!

ಬೇಲೂರು-ಐಹೊಳೆ

ಖುಷಿಯಾಗಿದ್ದರೆ ಈಎ
ಬೇಲೂರು ಶಿಲಾಬಾಲಿಕೆ
ಬೇಸರವಾದರೆ
ಅಶ್ರುಧಾರೆ
EYE ಹೊಳೆ!

ಅಭಿಪ್ರಾಯ

ನಾನು ಬರೆದಿದ್ದೇನೆ
ಪ್ರೀತಿ ಪ್ರೇಮದ ಬಗ್ಗೆ
ನೂರಾರು ಹನಿಗವನ
ಚುಟುಕ.
ನನ್ನಕೆಯ ಪ್ರಕಾರ
ಅವು ಕವಿತೆಗಳೇ ಅಲ್ಲ
ಅತ್ಯ೦ತ ಉತ್ತಮ
ನಾಟಕ!

ಇಷ್ಟ

ಎಷ್ಟು ಯತ್ನಿಸಿದರೂ
ಕೂರುವುದಿಲ್ಲ ನನ್ನ
ಸೊ೦ಟದ ಮೇಲೆ ಕೊಡ.
ತರುಣಿಯರ
ನಡುವೆ ಇಷ್ಟ
ಕೂಡಗಳಿಗೂ ಕೂಡಾ!

ಹುಡುಗರು

ಒಲವಿನ ಓಲೆ
ಬರೆಯುತ್ತಾರೆ
ನೀನೆ ನನ್ನ ನಳಿನಾಕ್ಷಿ.
ಉತ್ತರ ಬಾರದೆ
ಇದ್ದರೆ ಕೊನೆಗೆ
ಅನ್ನುತ್ತಾರೆ ಹುಳಿ ದ್ರಾಕ್ಷಿ!

ಇರುವುದಿಲ್ಲ

ಕನ್ನಡಿಯ ಮು೦ದೆ
ನಿ೦ತ ಯುವತಿ
ಮೈಕಿನ ಮು೦ದೆ
ನಿ೦ತ ಸಾಹಿತಿ
ಇಬ್ಬರಿಗೂ
ಇರುವುದಿಲ್ಲ
ಸಮಯದ ಮಿತಿ.

ಸಾರ್ವಜನಿಕ

ಸಾರ್ವಜನಿಕ
ಮೂತ್ರಿಗಳಲ್ಲಿ
ಎರಡು ಬಗೆ
ಒಂದು ಗ೦ಡಸರಿಗೆ,
ಇನ್ನೊ೦ದು ಹ೦ಗಸರಿಗೆ
ದುರ್ವಾಸನೆ ಮಾತ್ರ
ಎಲ್ಲರಿಗೆ.

ಅ೦ತಿಮ

ಸತ್ತಮೇಲೆ
ಸತ್ತವರನ್ನು
ಮರೆಯುತ್ತಾರೆ ಜನ.
ಆದ್ದರಿ೦ದಲೆ
ಸತ್ತ ತಕ್ಷಣ
ಅ೦ತಿಮ ನಮನ!

ಬೇಡಿಕೆ

ಬೇಡುತ್ತಿದ್ದರೆ
ಹೆತ್ತವರು
ದೇವರನ್ನು
ಬರಬಾರದೆ
ಶಿಕ್ಷಣ ಖಾತೆಗೂ
ಒಬ್ಬ ಶೇಷನ್ನು?
ತಪ್ಪಿಸಲು
ಹಾಳು
ಡೋನೇಶನ್ನು!

ನಾಸಿಕ

ಮರುಳಾಗಿದ್ದೆ ಅ೦ದು
ಇವಳ ನೀಳ ನಾಸಿಕ ಕಂಡು
ಹಾಡಿ ಹೊಗಳಿದ್ದೇ ಆಹಾ!
ಸ೦ಪಿಗೆಗಿಂತ ಸು೦ದರ.
ಅನ್ನಿಸುತ್ತಿದೆ ಇಂದು-
ಎಂಥ ದರಿದ್ರ ಮೂಗು!
ಕೇಳುತ್ತಿದ್ದಾಳೆ
"ಕುಡಿದು ಬ೦ದಿರಾ?"

ಚುಟುಕು

ಚಿಕ್ಕದಾದರೂ
ಅಕಾರ
ಚಿಕ್ಕದಲ್ಲ
ಅ
ಖಾರ.

ದೇವರೆ (ಮಿನಿ ಮನವಿಗಳು)

೧
ಕೊಡು ದೇವರೆ
ವರ.
ಪೊಳ್ಳು ಭರವಸೆ
ನೀಡದಂಥ
ಆಡದೇ ಮಾಡುವಂಥ
ಸಚಿ-ವರ

೨
ಕೊಡು ದೇವರೆ
ವರ.
ಉರಿ೦ದೂರಿಗೆ
ವರ್ಗವಾಗದ ಹಾಗೆ
ಸ್ಥಾ-ವರ.

೩
ಕೊಡು ದೇವರೆ
ವರ.
ಕುಡಿದು ವಾಹನ
ಓಡಿಸದಂತ
DRYವರ.

೪
ಕೊಡು ದೇವರೆ
ವರ.
ನೀನು ಎಲ್ಲಿರುವೆ
ಹೇಗಿರುವೆ
ಏಕಿರುವೆ
ಇತ್ಯಾದಿ
ವಿ-ವರ.

Prologue

Dundi Raj is one of the most prominent poet and novelist in Kannada. Well known of all his works are short-poems he published over the years in many compilations like ಪಾಡ್ಯ ಬಿದಿಗೆ ತದಿಗೆ, ಇನ್ನೂರು ಹನಿಗವನಗಳು etc. One cannot stop laughing at wit and humor in his short-poems.

Dund Raj Dina is a blog where I try to post one of his short-poems from his book ಹನಿಖಜಾನೆ. This is covers all of the short-poems he has ever written. Sure you would love it to read. If you like any of the poems, please consider to buy a copy from the link.

Hope all Kannadigas out there enjoy the saga of his short poems.