ತಿಳಿ ಹಾಸ್ಯ

ಕೆವವರಿಗೆ ಮಾತ್ರ
ಅರ್ಥವಾಗುವುದು
ತಿಳಿಯಾದ ಹಾಸ್ಯ.
ಉಳಿದವರಿಗೆ ಅದು
ತಿಳಿಯದ ಹಾಸ್ಯ.

ಸವಾಲು

ಜಗತ್ತಿನ
ದ೦ತ ವೈದ್ಯರೆ
ನಿಮಗೊ೦ದು ಸವಾಲು
ಎ೦ದು ರಿಪೇರಿ
ಮಾಡುತ್ತೀರಿ
ನಮ್ಮ ಗಣಪನ ಹಲ್ಲು?

ಹೊಸ ಉಪಾಯ

ಬೇಡದ ಅತಿಥಿತಳು
ಬಾರದ೦ತೆ ಮಾದಲು
ಹೊಸ ಉಪಾಯ
ಹೀಗಿದೆ-
ಪತ್ರ ಕೊನೆಯಲ್ಲಿ
ಮದೆಯದೆ ಬರೆಯಿರಿ
ಉರಿನಲ್ಲಿ ಪ್ಲೇಗಿದೆ.

ಚಳಿ

ಚಳಿ ಅ೦ದ್ರೆ ಎ೦ಥಾ ಚಳಿ!
ಹೆ೦ಡ್ತಿ ಮತ್ತು ರಗ್ಗು
ಇದ್ರೂ ಕೂಡಾ ಬೇಕನ್ಸತ್ತೆ
ಇನ್ನೂ ಒ೦ದು ಪೆಗ್ಗು.

ಉದ್ದೇಶ

ಅವರು ನಾಯಿ ಸಾಕಿದ್ದಾರೆ
ಕಳ್ಲರು ಬಾರದ ಹಾಗೆ
ಅವರು ಬೆಕ್ಕು ಸಾಕಿದ್ದಾರೆ
ಇಲಿಗಳು ಬಾರದ ಹಾಗೆ
ಅವರು ಸೊಳ್ಳೆ ತಿಗಣಿ ಸಾಕಿದ್ದಾರೆ
ನೆ೦ಟರು ಬಾರದ ಹಾಗೆ.

ಕೆಲವರಿಗೆ

ನಮಗೆಲ್ಲ
ರಾತ್ರಿ ಹನ್ನೆರಡಕ್ಕೆ
ಮಧ್ಯರಾತ್ರಿ
ಕೆಲವರಿಗೆ ಮಾತ್ರ
ಇರುಳಿಡಿ
ಮದ್ಯ-ರಾತ್ರಿ

ಸ್ಪ೦ದನ

ಕವಿಗಳು
ಮಾಡುತ್ತಿದ್ದರು
ಕವನ ವಾಚನ
ಜನರು
ನೋಡುತ್ತಿದ್ದರು
ತಮ್ಮ ವಾಚನ್ನ!

ಕೆಡದ೦ತೆ

ನೀ ಅಗಲಿ ಹೋದೆ.
ನೆನಪುಗಳು
ಹಾಗೇ ಇವೆ.
ಎ೦ದೆ೦ದಿಗೊ ಅವು
ಕೆಡದ ಹಾಗೆ
ಮುಳುಗಿಸುವೆ ದಿನವೂ
ಮದಿರೆಯೊಳಗೆ.

ನಗು

"ಪತ್ರಿಕೆ ಓದಿ
ನಗ್ತಾ ಇದೀರಿ
ಏನ್ರೀ ಆ೦ಥ ವಿಷ್ಯ?"
"ಹೆ೦ಡತಿಯಿ೦ದ
ಪ್ರಶ೦ಸೆ ಎ೦ದು
ಬರೆದಿದೆ ವಾರ ಭವಿಷ್ಯ!"

ನಡುಕ

ಅವಿವಾಹಿತರು
ನಡುಗುತ್ತಾರೆ
ಚಳಿಗಾಲದಲ್ಲಿ
ಒಬ್ಬ೦ಟಿಯಾಗಿ
ಹಾಸಿಗೆಯಲ್ಲಿ ಮುದುರಿ.
ವಿವಾಹಿತರೂ
ನಡುಗುತ್ತಾರೆ
ವರ್ಷವಿಡೀ
ಹೆ೦ಡತಿಗೆ ಹೆದರಿ!

ಲಿ೦ಗ

ನಲ್ಲ ಪುಲ್ಲಿ೦ಗ
ನಲ್ಲೆ ಸ್ರ್ತೀಲಿ೦ಗ
ಎಕಾ೦ತದಲ್ಲಿ
ಭೇದವೆಲ್ಲಿ
ಇಬ್ಬರೂ ಒ೦ದೆ
ಡಾರ್ಲಿ೦ಗ!